Members
We Are SNFC
Top Music Show 2010
Sokun Nisa Fanclub At Olympic stadium
“សុគន្ធនីសាហ្វ្រេនក្លីប”កើនសមាជិកជាង៤ពាន់នាក់
យុវវ័យដែលពេញចិត្តបទចម្រៀងរបស់ សុគន្ធ នីសា បានចាត់ទុកតារាចម្រៀងរូបនេះថា ជាតារា ដែលមានសំឡេងពីរោះ រូបរាងមិនឆ្មើងឆ្មៃ និងជាសិល្បការិនីមួយរូបដែលបានចូលរួមសកម្មភាពក្នុង សង្គមច្រើន ។ ដោយសារលក្ខណៈសម្បត្តិរបស់នាងនេះ ទើបយុវវ័យដែលគាំទ្របទចម្រៀងរបស់នាងបាន បង្កើតក្លឹបគាំទ្រនាងមួយហៅ“សុគន្ធ នីសាហ្វ្រេនក្លឹប”ដែលមានកញ្ញារិទ្ធ មេត្តាអនុជ ជាស្ថាបនិក ។ ចាប់ តាំងពីបានបង្កើតឡើងកាលពី៤ខែមុន រហូតមកដល់ពេលនេះ សុគន្ធ នីសាហ្វ្រេនក្លឹបកើនសមាជិកដល់ ជាង៤ពាន់នាក់ហើយ ។
SNFC at SEATV on 07.11.2010
សុគន្ធ និសា ជួបជាមួយក្រុមអ្នកគាំទ្រSNFC
កាលកន្លងទៅថ្មីៗនេះ សុគន្ធ និសា តារាចម្រៀងស្រីសម្តីស្រទន់ដែលបានសាងកេរ្តិ៏ឈ្មោះលើវស័យសិល្បៈចម្រៀងដ៏ជោគជ័យ បានរៀបចំអោយមានការជួបជាមួយក្រុមយុវវ័យដែលគាំទ្រនាង។
ចំពោះការជួបជុំគ្នានោះ សុគន្ធ និសា បានប្រាប់ថា តាមពិតនាងមានគម្រោងជួបជាមួយ សុគន្ធ និសា ហ្វេនក្លឹប (SNFC) ជាយូរមកហើយប៉ុន្តែការណាត់ជួបពេលខ្លះប៉ះពាល់ជាមួយការសិក្សាប្អូនៗអ្នកគាំទ្រទើបមានការពន្យាពេល។ ដោយឡែកការជួបជុំគ្នា ក៏ជាការថ្លែងអំណរគុណដោយផ្ទាល់ចំពោះប្អូនស្រី រិទ្ធ មេត្តាអនុជ ដែលជាស្ថាបនិកក្រុម សុគន្ធ និសា ហ្វេនក្លឹប ក៏ដូចជាសមាជិកទាំងអស់ផងដែរ។
ពេលវេលាជួបជុំនោះ ធ្វើអោយសម្ព័នភាពរវាងនិសា និងអ្នកគាំទ្ររឹតតែយល់ចិត្តគ្នាច្រើនឡើងៗ។ សុគន្ធ និសា បានសម្តែងនូវការអរគុណដល់ក្រុមអ្នកគាំទ្រជាពិសេសបានកោតសរសើរដោយស្មោះ ចំពោះវិធីគាំទ្របែបទំនើបតាមបច្ចេកវិទ្យាអ៊ីនធើណែតដោយប្រធានក្រុមនិងសមាជិកចេះបង្កើតគេហទំព័រ Blog , Facebook , Youtube ជាដើម។ និសាបញ្ជាក់បន្ថែមទៀតថា ការបង្កើតបែបនេះមិនត្រឹមតែជាសកម្មភាពគាំទ្រចំពោះនាងខ្ញុំនោះទេ តែជាសញ្ញាណវិជ្ជមានបញ្ជាក់ពីភាពវ័យឆ្លាតភាពរីកចំរើនរបស់យុវជនខ្មែរក្នុងការប្រើប្រាស់អ៊ីនធើណែតដែលបច្ចុប្បន្ននេះអ៊ីនធើណែត បានដើរតួរយ៉ាងសំខាន់បំផុតសំរាប់គ្រប់វិស័យទូទាំងពិភពលោក ហើយក៏ជាប្រព័ន្ធផ្សព្វផ្សាយមិនអាចខ្វះបាន។ ទន្ទឹមនឹងនេះ សុគន្ធ និសា ក៏បានផ្តាំផ្ញើរទៅក្រុមអ្នកគាំទ្រដែលមកពីវិទ្យាល័យផ្សេងគ្នាអោយចេះប្រើការជួបជុំគ្នា ជាពិសេសសមាជិកក្នុងក្រុម សុគន្ធ និសា ហ្វេនក្លឹបត្រូវចេះប្រើឳកាសស្គាល់គ្នានេះអោយទៅជាការចែករំលែកចំណេះដឹងការជួយគ្នា ការស្រលាញ់គ្នា ផ្តល់ការអប់រំ អោយគ្នាទៅវិញទៅមក ជាពិសេស សុគន្ធ និសា រំពឹងថា នឹងដឹកនាំប្អូនៗដែលជាសមាជិកទាំងអស់ ដើម្បីបរិច្ចាគពេលវេលាជាមួយនាងក្នងការចុលរួមចំណែកផ្សព្វផ្សាយសកម្មភាពល្អៗក្នុងសង្គមជាតិទៀតផង។ លើសពីនេះនាងបានណែនាំប្អូនៗឈប់ប្រើប្រាស់ថវិការដើម្បីទិញកាដូសម្រាប់នាង ព្រោះលុយកាក់បន្តិចបន្តួចគឺជាលុយដែលឪពុកម្តាយផ្តល់អោយសម្រាប់រៀនសូត្រ ម្យ៉ាងប្អូនៗបានផ្តល់លើសលប់រួចទៅហើយតាមរយៈសំឡេងទះដៃនិងស្នាមញញឹម ជាពិសេសការស្តាប់រាល់បទចម្រៀងរបស់នាង។
ជួបជាមួយប្អូនស្រី រិទ្ធ មេត្តាអនុជ ដែលជាសិស្សវិទ្យាល័បាក់ទូកហើយក៏ជាប្រថានក្រុម និងស្ថាបនិក សុគន្ធ និសា ហ្វេនក្លឹប បានប្រាប់អោយដឹងពីអារម្មណ៏ដែរថា ការបង្កើតក្រុមនេះ គឺប្អូននិងសមាជិកមានការគាំទ្រចំពោះបងស្រីនិសា ហើយគាត់សក្តិសមនឹងទទួលបានកិត្តិយស ម្យ៉ាងគាត់ជាតារាចម្រៀងដែលមាសំលេងពិរោះ ស្អាត មិនឆ្មើងឆ្មៃ ហើយតាមលឺពីអ្នកសល្បៈភាគច្រើនតែងសរសើរពីភាពថ្លៃថ្នូររបស់កាត់ជាអ្នកសិល្បករដែលធ្លាប់បានចូលរួមក្នុងសកម្មភាពសង្គម យើងខ្ញុំក៏ចង់ចូលរួមជាមួយគាត់ដែរ។
ប្អូនស្រីបញ្ជាក់បន្ថែមទៀតថាបច្ចប្បន្នសមាជិក សុគន្ធ និសា ក្នុង Facebook មានចំនួនកើនលើស4នាក់ទៅហើយ ត្រឹមរយៈពេល4ខែប៉ុណ្ណោះហើយក្រុមយើងខ្ញុំកំពុងបោះជំហានទៅមុខដើម្បីរៀបចំគេហទំព័រwww.sokunnisa.comអោយមានភាពរស់រវើក។ការងារនេះបានផ្តល់អោយយើងខ្ញុំនូវចំណេះដឹង និងកាន់តែយល់ច្បាស់ពីការប្រើប្រាស់អ៊ីនធើណេតដែលជាបណ្តុំចំណេះដឹងគ្មានព្រំដែន។
ទាក់ទងនឹងបទចម្រៀងវិញ សុគន្ធ និសា ប្រាប់ថា ក្នុងអំឡុងចុងខែតុលានេះផលិតកម្មរស្មីហង្សមាសនឹងមានចេញអាល់ប៊ុមថ្មី មួយ Vol 423 ជាអាល់ប៊ុម សុគន្ធ និសា សុទ្ធចំនួន10បទ មានដូចជាបទ Little girl , បទឆ្អិនភ្នែក បទមិនទាន់ដល់ពេលស្អប់ បទ កុំបែកគ្នាល្អជាង បទ ពិបាកឃាត់មនុស្សដែលចង់ទៅ និងបទ គុណ ដែលជាបទសម្តែងពីទឹកចិត្តរបស់កូនគ្រប់រូបចំពោះអ្នកមានគុណ។
គួររំលឹកផងដែរថា សុគន្ធ និសា ជាតារាចម្រៀងមួយរូបរបស់ផលិតកម្មរស្មីហង្សមាស ដែលមានបទពិសោធន៏ប្រឡូកក្នុងអាជីពសិល្បៈចម្រៀងអស់រយៈពេលជាង10ឆ្នាំ។ ដោយសារទឹកដមសំលេង ភាពរមទម រូបសម្ភស្ស និងវិន័យក្នងការងារធ្វើអោយនាងទទួលបានការគាំទ្រយ៉ាងច្រើនពិសំនាក់ពលរដ្ឋខ្មែរទាំងក្នុងនិងក្រៅប្រទេស មិនត្រឹមតែយុវវ័យស្របាលនាងរួមទាំងអ្នកមានវ័យកណ្តាលឡើងទៅផងដែរ។
Sokun Nisa Fanclub (SNFC) Party On 18.10.2010 (16)
Sokun Nisa Fanclub (SNFC) Party On 18.10.2010 (14)